ANKERGEDAGTE: Ware geloof meet God se krag, nie die grootte van die uitdaging nie.
Wie sou jy glo – tien manne wat sê ‘n taak is onmoontlik, of die een wat protesteer: ” Ons moet beslis… want ons kán dit doen ” (Num 13:30)? Kaleb was sy naam. Hy was die een ” met ‘n ander gesindheid “: ‘n Godgesindheid. Kaleb het God ” getrou gevolg ” (Num 14:24), selfs toe almal bang was. Vrees skuif God na die kantlyn van ons denke. Behalwe, Kaleb het op God gefokus; nie op vrees nie .
Die volk wou die tien verspieders se raad volg, maar Kaleb (saam met Josua) het herhaal: ” Moenie vir [die Kanaäniete] bang wees nie, want ons sal hulle maklik verslaan. Die Here is by ons. ” (Num 14:9). Selfs wanneer die meerderheid terugdeins, kan geloof se krag nooit onderskat word nie – veral as dit op God se beloftes fokus.
Dit is hoe ons kan leef. Met Kaleb-geloof. Vol vertroue. Ons fokus nie op die grootte van die uitdaging nie, maar op die oneindige krag van ons God wat by ons is.
Gebed: Here, help my om ‘n Kaleb te wees, om U krag en beloftes bo elke uitdaging te vertrou .
*****************
DEEL B (vir diegene met meer tyd):
Die dagstuk is gebaseer op die verhaal in Numeri 13 en 14, wat die gevolge van geloof teenoor ongeloof dramaties illustreer.
Kruisverwysings vir verdere studie :
* Hebreërs 11:6: Hierdie vers beklemtoon dat dit onmoontlik is om God te behaag sonder geloof, wat Kaleb se optrede perfek illustreer.
* Psalm 27:1: Hierdie psalm weerspieël Kaleb se houding dat sy fokus op God hom van vrees bevry het.
* Filippense 4:13: Kaleb se vermoë om die reuse “baas te raak” was ‘n uitleef van hierdie beginsel lank voordat Paulus dit geskryf het.
MUSIEK VAN DIE DAG
‘n Diep-nadenke-musieksnit ( Not by might ) is vandag se keuse, gebaseer op Sagaria 4:6 – ” Nie met mag en krag sal jy slaag nie, maar deur my Gees, sê die Here die Almagtige .” Die kunstenaars is “Eden’s Bridge” ‘n Christen-musiekgroep wat veral op Keltiese musiek fokus.