40 DAE VAN OORWINNING
#37 – 1 Apr
> 
OORWINNING OOR DUISTERNIS
“Dit was ongeveer die sesde uur, en duisternis het oor die hele aarde toegesak tot die negende uur.” – Lukas 23:44
Vir drie ure hang daar ’n onverklaarbare skadu oor die land. Die Lig van die wêreld hang aan ’n kruis, en selfs die skepping lyk asof dit asem ophou. Het die duisternis dan wel die laaste sê gehad? Het geweld, sonde en haat die laaste oorhand gekry?
Ons ken sulke ure – wanneer ons gebede nie verder as die plafon voel styg nie, wanneer hoop dun en broos word, wanneer God stil lyk.
Maar juis in daardie digte donkerte roep Jesus uit. Dit was werklik alles volbring. Dit was nie ’n sug van nederlaag nie, maar ’n oorwinning wat vanuit donker skadu’s gebore word.
Die duisternis het gekom. Maar dit het nie gebly nie. En omdat Christus oorwin het, kan ons selfs in ons donker ure vasstaan met hoop.
Gebed:
> Wanneer my wêreld donker word, hou my vas aan U voltooide werk.
> Wanneer ek dink die nag wen, herinner my dat U reeds oorwin het.
> Laat U lig in my donker bly brand.
> Laat my ook in my donkerste ure vasstaan in die hoop wat U aan ons gegee het. Amen.
Dankie aan elkeen wat reeds hierdie bediening ondersteun. Sou jy ook ‘n donateur vir hierdie bediening wil word kan ek nie genoeg dankie sê nie. ‘n Oorplasing kan gemaak word na: STANDARD BANK; TAKKODE: 051001; REK NO: 080042805; REK NAAM: R M Bezuidenhout